Námsdvöl erlendis

Þú hefur sennilega mikið af væntingum um hvað þú átt eftir að upplifa í námi þínu erlendis. Það er mikilvægt að þú hafir raunhæfar væntingar og að þú ert stundum bara að upplifa hversdagslegt líf. Þú verður að þvo þvottinn, versla inn í matinn og læra fyrir próf alveg eins og á Íslandi.

Það verða einnig hlutir sem þú átt eftir að sakna að heiman. Vinir, fjölskyldan og jafnvel vinnan. Einnig eiga eftir að koma upp hlutir sem þú þú þarft að gera en hefur litla þolinmæði fyrir eins og að læra hvernig þú átt að nota bókasafnið, finna hraðbanka og opna bankareikning. En mundu að þetta er allt hluti af reynslunni, að standa á eigin fótum í nýju landi. Nám erlendis er ekki alltaf dans á rósum en vel þess virði að kanna í hvað manni býr.

Hér fyrir neðan finnur þú nokkur atriði sem mikilvægt er að huga að:

1. Menningarsjokk

Menningarsjokk (e. culture shock) er streita sem getur skapast á því að þú finnur þig allt í einu í nýju ókunnugu umhverfi langt frá heimaslóðum. Þessi viðbrögð eru mjög eðlileg fyrir fólk sem fer á staði sem hafa ólíka menningu.

Þú gætir fundið fyrir bæði andlegum og líkamlegum óþægindum eins og kvíða, spennu, höfuðverki og önnur einkenni. Ef þig fer að líða svona þá er mikilvægt að hafa það hugfast að þetta eru allt eðlileg viðbrögð sem margir í sömu stöðu finna fyrir. Sumir einstaklingar finna fyrir slíkum einkennum þótt þeir fara í menningarheim sem er mjög líkur þeirra eigin heimalands.

2. Taktu þátt í nýnemakynningunni

Flestir háskólar skipuleggja nýnemadaga nokkrum dögum áður en sjálfur skólinn fer á fullt. Þetta er frábær leið til að hitta samnemendur þína og fá kynningu á skólanum. 

3. Vertu félagslynd(ur)

Það er of auðvelt að hanga í heimavistinni/íbúðinni og hringja í gegnum netið í vini og ættingja, en það er mjög mikilvægt fyrir þig að taka þátt í félagslífinu í skólanum.

4. Haltu sambandi við vini og fjölskyldu

Þótt við ráðleggjum þér að taka þátt í félagslífinu á meðan á námsdvöl þinni stendur er einnig mikilvægt að þú að haldir sambandi við fjölskyldu og vini heima - þar er Skype algjör snilld.

5. Dagbók/Blogg

Að halda út dagbók um lífið þitt á meðan námsdvöl stendur getur verið góð leið til að takast á við nýju reynsluna og pirringinn. Eftir nokkrar vikur eða mánuði getur það verið mjög áhugavert að lesa fyrstu færslurnar

6. Ef allt er vonlaust

Ef þér finnst allt vera orðið vonlaust og þú ætlar að hætta í náminu vertu þá viss um hvaða áhrif það mun hafa á fjárhag (þá sérstaklega ef þú ert á LÍN lánum), skólastyrki, einingar og annað. Hafðu samband við námsráðgjafa hjá skólanum þínum og/eða öllum viðkomandi stofnunum og kannaðu alla þætti mjög vel áður en þú tekur lokaákvörðun.

Langar þig að stunda nám erlendis?
Hafðu samband
Contact