Starfsnámið

Starfsnámið í Kína

Starfsnám í Kína | KILROY

Langar þig að standa framar öðrum í atvinnuleitinni? Ráðgjafi okkar aðstoðar þig við að komast í frábært starfsnám í Kína innan þess geira sem þú hefur áhuga á að kynnast. Samstarfsaðili okkar býður upp á starfsnám í Peking, Chengdu eða Shanghai fyrir unga og metnaðargjarna einstaklinga.

Samstarfsaðili okkar býr yfir 20 ára reynslu og hefur aðstoðað mörg hundruð einstaklinga í að öðlast frábæra reynslu í Kína. Að auki hefur hann fengið fjölda verðlauna í Kína fyrir aðstoðina sem þeir veita fólki leit að alþjóðlegu starfsnámi. Nýttu þetta einstaka tækifæri til að kynnast einum af mest spennandi og hraðast vaxandi mörkuðum heims!

Við hvað get ég unnið?

Við aðstoðum þig við að finna draumastarfsnámið en flest störfin eru á sviði alþjóðaviðskipta, markaðsfræði, almannatengsla og fjölmiðlafræði o.fl.

Athugaðu að staðsetningin gæti haft áhrif á val þitt á starfsnámi. Almennt séð er Shanghai ein af heimsins stærstu viðskiptaborgum, en Peking er að koma sterk inn sem borg fyrir frumkvöðlafyrirtæki. Chengdu er sú borg sem stækkar hraðast í heiminum og ný fyrirtæki birtast svo gott sem daglega. Þar af leiðandi mælum við með að þú sért opin(n) fyrir hvaða borg þú færð starfsnám í og hjá hvaða fyrirtæki þú endar.

Við hverju má ég búast í starfsnámi í Kína?

Fyrirtækin geta verið í öllum stærðum og gerðum innan ólíkra greina og er reynt að finna það starfsnám sem hentar þér best. Þú mátt búast við því að komið sé fram við þig líkt og annað starfsfólk í fullu starfi hjá fyrirtækinu og að þú þurfir að takast á við krefjandi verkefni sem tengjast því sviði sem þú hefur valið þér. Þá hafa sum fyrirtækin boðið upp á áframhaldandi starf eftir að starfsnáminu lýkur.

Hvað er innifalið í starfsnáminu?

Starfsnámið í Kína er frábær leið til þess að öðlast dýrmæta reynslu og eru eftirfarandi atriði eru innifalin til þess að gera dvölina þína sem besta:

  • Brottfararpakki: Þú færð allar nauðsynlegar upplýsingar um hvernig það er að lifa og starfa í Kína áður en starfsnámið hefst. Þetta er gert til þess að þú vitir við hverju þú megir búast og menningarsjokkið verður vægara.
  • Aðstoð við að sækja um vegabréfsáritun: Við munum aðstoða þig með öll þau skjöl sem þú þarft að hafa til þess að fá vegabréfsáritun til Kína. Vegabréfsáritun fyrir starfsnám í Kína heitir „F class visa”.
  • Komupakki: Þegar þú kemur til Kína færð þú bók með Mandarin frösum, neyðarkort, kort af staðnum, farsíma, sim-kort og kort til þess að nota í almenningssamgöngur.
  • Kynning á Kína: Þú færð einnig ítarleg kynningu á Kína sem nær yfir hefðir og menningu, almenna viðskiptahætti og fleiri gagnlegar upplýsingar. Þar að auki er kynningarkvöldverður með hinum starfsnemunum.
  • Mandarin tungumálakennsla: 3 klukkustundir af Mandarin kennslu á viku samhliða starfsnáminu.
  • Gisting: Sameiginleg gisting með öðrum starfsnemum í Kína.
  • Félagslíf og menningartengdir viðburðir: Gott félagslíf er stór þáttur í því að njóta þess að vera í starfsnáminu. Það eru skipulagðir reglulegir viðburðir fyrir þig og aðra sem eru í starfsnámi á okkar vegum til þess að þið kynnist kínverskri menningu og hvort öðru.
  • Viðskipta- og tengslaviðburðir: Að skapa sterkt tengslanet er nauðsynlegt til þess að geta stundað viðskipti í Kína. Við látum þig vita af áhugaverðum viðburðum sem gætu hjálpað þér við að stækka tengslanetið.
  • Ferðamöguleikar: Kína hefur upp á svo margt að bjóða fyrir utan stórborgirnar. Við hvetjum þig til að ferðast eins mikið og hægt er á meðan á dvöl þinni stendur og kanna þetta frábæra land.
  • Fréttabréf: Við sendum mánaðarlega út fréttabréf til allra sem eru í starfsnámi til að upplýsa um spennandi viðburði og gagnlegar upplýsingar.
  • Vottorð um að þú hafir lokið starfsnámi og meðmælendabréf.
  • Tengslanet starfsnema (alumni network): Við komum þér í samband við fyrrverandi og núverandi starfsnema.
  • Styrkur: Flestir sem eru í starfsnámi lengur en 3 mánuði hljóta styrk. Yfirleitt er þessi styrkur á milli 50 og 100RMB á dag. (Ef þú starfar við ferðaþjónustu er gisting og matur oftast innifalinn).
  • 24/7 neyðarþjónusta og stuðningur: Reynslumikið starfsfólk samstarfsaðila okkar er alltaf til staðar fyrir þig ef eitthvað kemur upp á. Allir sem þú talar við hafa annað hvort verið í starfsnámi á okkar vegum eða eru enskumælandi heimamenn.

Hæfni & kröfur fyrir starfsnema

Þetta prógram er einungis fyrir mjög metnaðarfulla einstaklinga sem eru að leitast eftir starfsnámi í Kína. Þú verður að standast eftirfarandi kröfur til að geta sótt um starfsnám í Kína:

  • Vera að minnsta kosti 18 ára
  • Búa yfir mjög góðri enskukunnáttu, bæði í rit- og talmáli. Þú þarft ekki að kunna Mandarin.
  • Vera skráð(ur) í háskólanám eða hafa lokið háskólanámi

Starfsnemar okkar eru áhugasamir og hæfileikaríkir einstaklingar sem eru að leitast eftir að hefja starfsferil á sínu áhugasviði. Þú verður að vera tilbúin(n) að vinna að mörgum umfangsmiklum verkefnum og geta tekið ábyrgð á meðan á starfsnámi þínu stendur. Þar að auki þarft þú að geta sýnt frumkvæði og unnið bæði sjálfstætt sem og hluti af teymi.

Langar þig að fara í starfsnám í Kína?
Hafðu samband

Contact