Vegabréfsáritun

Vegabréfsáritun fyrir starfsnám í Kína

Vegabréfsáritun fyrir starfsnám í Kína

Starfsnámið í Kína er flokkað sem menningarskipta-prógramm og er því hægt að fá F vegabréfsáritun. Með því færð þú leyfi fyrir starfsnámi í kínversku fyrirtæki.

Umsækjendur um starfsnám sækja um vegabréfsáritun hjá sendiráði Kína í Reykjavík. Ekki er hægt að hefja umsóknarferlið fyrr en að staðfesting á starfsnámi liggur fyrir og boðsbréf frá fyrirtækinu hefur verið sent til þín.  

Ráðgjafi okkar mun aðstoða þig við að sækja um vegabréfsáritunina og sjá til þess að þú fáir sent boðsbréf frá fyrirtækinu sem þú munt vinna hjá, en það er nauðsynlegt til þess að hægt sé að sækja um vegabréfsáritun til Kína.

Sendiráðið mun þurfa eftirfarandi skjöl:

  • Boðsbréf fyrir starfsnámi í Kína (Invitation letter)
  • Umsókn um vegabréfsáritun
  • Tvær passamyndir
  • Vegabréf sem gildir að minnsta kosti 6 mánuði fyrir áætlaðan brottfaratíma frá Kína. Það getur verið að sendiráðið óski eftir frekari upplýsingum, eins og sönnun þess hvar þú gistir eða flugmiða. Vinsamlegast hafðu samband við sendiráðið fyrir frekari upplýsingar.

Ferlið tekur um 10 daga frá því að þú sendir inn umsókn til sendiráðsins.

Mikilvægar upplýsingar: Ef þú þarft að sækja um vegabréfsáritun hjá sendiráði Kína fyrir utan heimaland þitt (fyrir utan Ísland ef þú átt íslenskt vegabréf) þarft þú að láta okkur vita af því eins snemma og mögulegt er til þess að þú fáir örugglega rétt boðsbréf sent. Ef umsækjandi lætur okkur ekki vita og fær því rangt boðsbréf sent þarf viðkomandi að greiða fyrir nýtt boðsbréf.

Ert þú með spurningar varðandi starfsnám í Kína
Hafðu samband

Contact